Uçub gələn və uçub gedən uçuşların cədvəlinə dair suallarla bağlı Heydər Əliyev Hava Limanın 24 saat fəaliyyət göstərən məlumat xidməti ilə aşağıdakı telefon nörməsinə zəng edərək əlaqə saxlaya bilərsiniz: (+994 12) 497 27 27.
Sirin sorğunuz bizim üçün çox vacibdir. Hər hansı bir sualınız varsa, qısa zamanda sizinlə əlaqə saxlayacağıq.
03 Avqust 2026
Əmək və Əhalinin Sosial Müdafiəsi Nazirliyinin tabeliyində fəaliyyət göstərən DOST İnklüziv İnkişaf və Yaradıcılıq Mərkəzinin İsmayıllı DOST Evi filialının benefisiarları üçün Qəbələ Beynəlxalq Hava Limanına maarifləndirici ekskursiya təşkil olunub.
Ekskursiya çərçivəsində hava limanının direktoru Nəcəf Əliyev iştirakçılara hava limanının fəaliyyəti, aviasiya sahəsi və burada həyata keçirilən əsas əməliyyat prosesləri barədə ətraflı məlumat verib.
Benefisiarlar qeydiyyat və təhlükəsizlik yoxlaması mərhələləri ilə yaxından tanış olub, bu prosesləri praktik şəkildə müşahidə ediblər. Daha sonra onlar perron ərazisini izləyərək hava gəmilərinin texniki təminatı və uçuşqabağı hazırlıq prosesi haqqında mütəxəssislərin təqdimatını dinləyiblər.
Ekskursiyanın sonunda iştirakçılara xatirə hədiyyələri təqdim olunub.
Bu cür maarifləndirici təşəbbüslər aviasiya sahəsinin daha yaxından tanıdılmasına, inklüzivliyin təşviqinə və cəmiyyətlə əməkdaşlığın gücləndirilməsinə töhfə verir.