Uçub gələn və uçub gedən uçuşların cədvəlinə dair suallarla bağlı Heydər Əliyev Hava Limanın 24 saat fəaliyyət göstərən məlumat xidməti ilə aşağıdakı telefon nörməsinə zəng edərək əlaqə saxlaya bilərsiniz: (+994 12) 497 27 27.
Sirin sorğunuz bizim üçün çox vacibdir. Hər hansı bir sualınız varsa, qısa zamanda sizinlə əlaqə saxlayacağıq.
09 Aprel 2025
Madriddə keçirilən Passenger Terminal Expo 2025 sərgisi çərçivəsində “Azərbaycan Hava Yolları” QSC və hava limanlarında logistikanın avtomatlaşdırılması sahəsində qlobal lider olan “Vanderlande” şirkəti arasında Strateji Əməkdaşlıq Memorandumu imzalanıb.
Bu tərəfdaşlıq çərçivəsində Heydər Əliyev Beynəlxalq Aeroportunda Baqajların Emalı Sisteminin əməliyyat səmərəliliyinin artırılması və ağıllı avtomatlaşdırma texnologiyalarının tətbiqi nəzərdə tutulur. Əsas məqsəd – hava limanının fəaliyyətini daha təhlükəsiz, sürətli və effektiv etmək, sərnişin təcrübəsini yaxşılaşdırmaq və rəqəmsal yeniliklərin tətbiqini genişləndirməkdir.
“Vanderlande” şirkəti qabaqcıl avtomatlaşdırma həlləri ilə tanınır. Hazırda şirkət dünyada 600-dən çox hava limanında illik 4 milyarddan çox baqaj vahidinin idarə olunmasını təmin edir. Şirkət hava limanlarında ağıllı avtomatlaşdırılmış sistemlər, innovativ proqram təminatı və uzunmüddətli xidmətlər təqdim edərək logistika proseslərinin təhlükəsizliyinə və səmərəliliyinə töhfə verir.
Qeyd edək ki, bu əməkdaşlıq Heydər Əliyev Beynəlxalq Aeroportunun uzunmüddətli inkişaf strategiyasının mühüm bir hissəsidir. Layihələrin icrası əməliyyatların səmərəliliyini və təhlükəsizliyini artıracaq, həm sərnişinlər, həm də aviaşirkətlər üçün xidmət keyfiyyətinin yüksəldilməsini təmin edəcək.