Uçub gələn və uçub gedən uçuşların cədvəlinə dair suallarla bağlı Heydər Əliyev Hava Limanın 24 saat fəaliyyət göstərən məlumat xidməti ilə aşağıdakı telefon nörməsinə zəng edərək əlaqə saxlaya bilərsiniz: (+994 12) 497 27 27.
Sirin sorğunuz bizim üçün çox vacibdir. Hər hansı bir sualınız varsa, qısa zamanda sizinlə əlaqə saxlayacağıq.
22 İyul 2024
Heydər Əliyev Beynəlxalq Aeroportu 30-dan çox ölkəni əhatə etməklə dünyanın 80-ə yaxın istiqamətinə birbaşa uçuşlar həyata keçirir. Bu, aeroportun regionda mühüm nəqliyyat qovşağı kimi strateji əhəmiyyətini vurğulayır.
Sərnişinlər London, Paris, Berlin, Milan, Praqa, Vyana və Budapeşt kimi Avropanın məşhur şəhərlərinə birbaşa reyslərdən yararlana bilərlər. Bu marşrutlar biznes əlaqələrinin və turizmin inkişafına kömək edir, sərnişinlərə iş və istirahət üçün geniş istiqamətlər seçimini təmin edir.
Bundan əlavə, Yaxın Şərqin əsas mərkəzlərinə, o cümlədən Dubay, Ər-Riyad, Təl-Əviv, Bəhreyn və Dohaya uçuşlar mövcuddur ki, bu da regiona səyahəti daha da əlçatan və rahat edir.
Qeyd edək ki, Heydər Əliyev Beynəlxalq Aeroportu səyahətlərin əlçatanlığını təmin etmək üçün aparıcı aviaşirkətlərlə əməkdaşlığı genişləndirir. Hava limanında bütün sərnişinlərin ehtiyaclarını ödəmək məqsədilə müasir texnologiyalar və innovativ həllər tətbiq olunur. İnfrastrukturun inkişaf etdirilməsi, xidmət şəraitinin yaxşılaşdırılması və yüksək səviyyədə təhlükəsizliyin təmin edilməsi istiqamətdə işlər davam etdirilir.