Uçub gələn və uçub gedən uçuşların cədvəlinə dair suallarla bağlı Heydər Əliyev Hava Limanın 24 saat fəaliyyət göstərən məlumat xidməti ilə aşağıdakı telefon nörməsinə zəng edərək əlaqə saxlaya bilərsiniz: (+994 12) 497 27 27.
Sirin sorğunuz bizim üçün çox vacibdir. Hər hansı bir sualınız varsa, qısa zamanda sizinlə əlaqə saxlayacağıq.
Bakı uşaqlar üçün əsl kəşf dünyasıdır: rəngli məkanlar, interaktiv muzeylər, suda və quruda əyləncə, həmçinin dənizin sahilində sakitləşdirici atmosfer… Ailəvi səyahət üçün daha rahat və təhlükəsiz şəhər tapmaq çətin olar. Bu bələdçi isə paytaxtda cəmi 48 saat ərzində uşaqların yaddaşında həkk olunacaq macəra yaratmağınıza kömək edəcək.
Yeni konseptlə açılan zoopark təkcə heyvanlara baxmaq üçün deyil, həm də öyrənmək və kəşf etmək üçündür. Tropik guşələr, savanna zonası və quş pavilyonu uşaqları tamamilə başqa bir dünyaya aparır. İnteraktiv lövhələr, müşahidə nöqtələri və uşaq meydançaları səyahəti daha maraqlı edir.
Bura 3–12 yaşlı uşaqlar “böyüklər dünyası”nı öz qaydaları ilə yaşadıqları yerdir. Kiçik həkimlər, yanğınsöndürənlər, kassirlər və jurnalistlər öz rollarını sınayır, şəhərciyin ritmi isə balacaları tam oyuna daxil edir.
Velosiped kirayəsi, təmiz hava, dəniz mənzərəsi və açıq oyun meydançaları ilə şəhərin ən rahat ailə marşrutu. Günün sonunda həm valideynlər, həm də uşaqlar üçün sakitləşdirici atmosfer yaradır.
İkinci gün daha dinamikdir – uşaqlar həm öyrənir, həm təcrübə yaşayır, həm də macəraya “yox” deyə bilmir.
Günə kosmosla başlamaq? Bu, balacalar üçün sehrli başlanğıcdır. Ulduzların rəqsi, planetlərin rəngli proyeksiyası və qaranlıq zalda yayılan yumşaq işıq uşaqlarda real “wow-effekti” yaradır.
Muzeyin uşaq bölməsi Azərbaycan xalça ənənələrini rəng, naxış və toxuculuq nümunələri vasitəsilə uşaqlara tanıdır. İnteraktiv məşğələlər və qısa təqdimatlar vasitəsilə balacalar həm mədəni irslə tanış olur, həm də yaradıcı bacarıqlarını inkişaf etdirirlər.
Burada uşaqlar özlərini real kartinq pistində peşəkar sürücü kimi hiss edir. Xüsusi uşaq kartları, təhlükəsizlik kəmərləri, nəzarət sistemi – hər şey düşünülüb. Atmosfer enerjilidir, həyəcan yüksəkdir.
İsti aylarda günü su əyləncəsi ilə tamamlamaq ən yaxşı seçimdir. Amburan, Dalğa və digər akvaparklar uşaqlar üçün hovuzlar, su oyunları və rəngli atmosfer təqdim edir. Burada uşaqlar enerjisini müsbət istiqamətə yönləndirir, valideynlər isə rahat istirahət edə bilir.