Görünməyən əlilliyi olan sərnişinlər üçün bələdçi (Beynəlxalq uçuşlar)

Heydər Əliyev Beynəlxalq Aeroportu görünməyən (gizli) əlilliyi olan sərnişinlərə dəstək göstərir. Bu kateqoriyaya koqnitiv, nevroloji, psixi sağlamlıqla bağlı və autizm spektrinə aid vəziyyətlər daxildir. Bu cür əlilliklər zahirən görünməsə də, sərnişinlər aeroport prosedurları zamanı əlavə anlayışa, vaxta və ya köməyə ehtiyac duya bilərlər.

Tanınma və boyun lentləri (uçuşlar)

Görünməyən əlilliyi olan sərnişinlər aeroport prosesləri zamanı köməyə ehtiyac duya biləcəklərini gözə çarpmadan bildirmək üçün xüsusi tanınma boyun lentini (lanyard) tələb edə bilərlər.

Boyun lentinin əldə edilməsi

Terminal 1

• Boyun lentləri təhlükəsizlik yoxlamasından əvvəl, Zona A və Zona B girişlərində yerləşən “Salam Service” masalarında təqdim olunur.

Terminal 2 North (Şimal)

• Boyun lentləri birinci mərtəbənin girişində yerləşən Məlumat masasında təqdim olunur.

Uyğunluq və təsdiqləmə

• Boyun lentləri müvafiq təstiqedici sənədin yoxlanılmasından sonra verilir.
• Təstiqedici sənədi yerli və ya xarici səlahiyyətli qurumlar tərəfindən verilmiş ola bilər.
• Yoxlama səlahiyyətli aeroport və ya xidmət personalı tərəfindən aparılır.

Boyun lenti könüllü dəstək vasitəsidir və əlavə köməyə ehtiyacı ola bilən sərnişinlərin müəyyən edilməsinə xidmət edir.

Boyun lentindən istifadə qaydası

Boyun lenti taxıldıqdan sonra:

• Aeroport, təhlükəsizlik, sərhəd və yerüstü xidmət əməkdaşları sərnişini gözə çarpmadan tanıya bilirlər.
• Sərnişinlərə aşağıdakı dəstək göstərilə bilər:
  • Aydın və sadə izahlar
  • Prosedurlar zamanı əlavə vaxt
  • Əməliyyat baxımından mümkün olduqda prioritet və ya ayrıca xidmət

Boyun lenti səyahət sənədlərini əvəz etmir və avtomatik prioritet təmin etmir, lakin personalın uyğun və anlayışlı dəstək göstərməsinə imkan yaradır.

Aeroport prosedurları

Görünməyən əlilliyi olan sərnişinlərə aşağıdakı mərhələlərdə kömək göstərilə bilər:

• Qeydiyyat
• Uçuşöncəsi təhlükəsizlik yoxlaması
• Sərhəd nəzarəti
• Minik prosedurları

Bütün müvafiq aeroport xidmətləri səbirli, anlayışlı və məxfi davranış prinsipləri üzrə təlim keçmişdir.

Vacib məlumat

• Yardım əməliyyat şərtlərinə uyğun olaraq təmin edilir.
• Sərnişinlərə gəliş rəsmiləşdirmələri üçün kifayət qədər vaxt ayırmaq tövsiyə olunur.
• Əlavə dəstək tələb olunarsa, müşayiətçi ilə səyahət etmək tövsiyə olunur.